بقلم. امال جمال ابو الحسين
يسلام لو يرجع عصر عبد الحليم وخفه دم اسماعيل ياسين وحب زمان واكل زمان واهل زمان. دا احنا كل ما بنتكلم حتى بنقول دا كان زمان
كان ياماكان كان عمى سيد بتاع الفول بينادى بعد الفجر على طول وبنت الجيران الاطالعه فوق السطوح ويادوب تلمحها وهى داخله لبرج الحمام والشمس لسه بتصبح على عم بسطويسى ايوا بسطويسى دا حكايته حكاايه كبيره دا ضحكته كانت بتسمع لسابع جار يوووه ولا لما كان يروح يشترى من فكهانى غلبان كان ياكل اد مايشترى واخونا التانى مسامح وفرحان طب شوفت الست ام خلخال بكبوظه ومقلوظه كدا. لا دايت ولا بتنجان .وصوت بقبقه الشيشه وزمن الجدعان دى حكاياات كتير اوووى ياخااال رسمت الضحكه على شفايفك دلوقتى ايوا دلوقتى. فيه شيله وكلام وضحكه فى الوشوش بتبان وكلمه سمعتها من راجل طيب فيها قال ياعم يابتاع الروبابيكيا تعالى هديلك شوال فيه ضحك وكلام ووعود وناس قصت كلام فيه كدب وخديعه وكره وتزيف ونفاق وموال. تعال شيلهم كلهم وخدهم. وسامحنى على الشيله الا ماتتشال. وعجبى
