بقلم: أمل الصقار
كلمه سمعتها
لقيت لها في النفس رنين
كفاية وبعدين
وأنت لا كنت ولا بتكون َلا هتكون
لنفسي الدفا ولقلبي الحنين
طب وبعدين
عدت سنين وعشنا سنين
وجاية لسة سنين تانين
وفي القلب نفس الأنين
طب وبعدين
لازم أقول لك كلمتين
بأفكر فيهم من سنين
أنا كنت حابة
نكون حلوين
حياتنا فرح
وشوق وحنين
بس انت مش راضي
عايش الحياة
عادي
طب حتى فكر حبتين
دقيقة في اليوم
أو دقيقتين
واسأل بعدها نفسك
طب وبعدين
هاكتب نهاية في كلمتين
دلوقتي حالا مش بعدين
خلاص كفااااااية
انتهت الحكاية
من غير كفاية
ولا بعدين