Share Button
كتب _ محمد خضر
عندما تقوم بتطليق زوجتك وغير متقبل العيش معاها فهذا حقك
ولكن اعطها حقوقها وتسريح بإحسان وربنا يخلف عليك وعليها الأفضل
لكن ما ذنب الأطفال اللذين ملزومين منك ماذا تقول لربنا وأنت رافض تصرف عليهم .
شئت أم أبيت هؤلاء أولادك وهتتحاسب عليهم أمام الله .
وفى نوعية لطيفة خفيفة الظل كده طالعه فى تقليعة جديدة يقولها عايزانى أصرف على الأولاد يعيشوا معايا
وهذا طبعا لكى لايوفر سكن لطليقته ويطلعها من شقة الزوجية ويقولك أضمن إنها لأ تاكل من مالى ولا تصرف منه جنيه على نفسها مع أنه اللى بيبعته بيكون ملاليم .
ده لو بعتلها أصلا من غير ما تلف على المحاكم عشان تطول نفس الملاليم بردو أن مكنش أقل واللى ميأكلوش ولاده عيش حاف حتى
يبقى المطلقة فى بلدنا أدامها حل من اتنين …
يا تنزل تشتغل ويطلع عينها عشان تصرف على ولادها عشان أبوهم ….
ومعندوش دين ولا ذرة رجولة.
يا إما تتنازل عنهم وتتحرم من ولادها ولو عنده شوية رحمه بيسمحلها تشوفهم بمزاجه وتضطر الأم توافق عشان لو ولادها فضلوا معاها هيموتوا من الجوع.
هو لحد إمتى أشباه الرجال والمجتمع هيفضلوا يحاربوا الأم بأولادها
وطبعا الألعايب اللى بيعملوها عشان يثبتوا إن دخلهم ضعيف حدث ولا حرج .
وعشان يتحكم لها بالملاليم اللى هتطلعها والشقة اللى هتقعد فيها كحاضنة
كم أمهات تم إجبارهم على التنازل عن أولادهم .
حاجة تقطع القلب والله
ربنا قال :-
” وعلى المولود له رزقهن وكسوتهن بالمعروف “
مش بالقضايا
ربنا قال :-
” ولا تخرجوهن من بيوتهن “
بيت الزوجية حق الزوجه حتى بعد الطلاق وانت اللى مالكش حق فيه
ربنا قال :-
” ولا تضار والدة بولدها “
يعنى ماتلويش ذراع زوجتك بالأولاد
ربنا قال :-
ومن يتعد حدود الله فقد ظلم نفسه
لسه فى حسابات تانيه يوم القيامة . محكمه العدل غير محكمه الأسرة خاااالص
علشان معصيتك لله فى أحكامه معناها إنك لم ترض بالدين الإسلامى بعدم التنفيذ لأحكامه يعنى أخرجت نفسك من الدين بإيدك فلا تلومن إلا نفسك
انت مش بتعاند طليقتك دانت بتعاند ربنا اللى أنزل الأحكام وبتقول له حكمك مش عاجبنى دا تفسير عمايلك ورفضك وعصيانك
الله ينتقم من كل واحد ساعد ولو بشطر كلمه فى إنه يبعد أم عن أولادها .
أو يحرم أطفال من إنهم يعيشوا عيشة سوية أو يخرب بيت
ربنا لما وصف الرجال قال :- رجال صدقوا ما عاهدوا الله عليه
وقال :- وأوفوا بالعهد إن العهد كان مسئولا
وكفى بالمرء إثما أن يضيع من يعول
Share Button

By ahram

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *