من الارشيف ….
.. بقلم :نها النجار
سوق سيء السمعة :
سوق الالقاب ……..نعم
اصبح بالامكان ان تشتري لقب اعلامي وانت لاتفقه شيء عن مفردات الكلمة .
اصبح يمكن ان تضيف لقب الشاعر فلان ..الاديب فلان …الفنان فلان
فقط لان خيالك هيء لك هذا وان خيالك قد وجد بجواره زبانية التزيين حتي تصدق نفسك .
انك بقيت الشاعر –الاديب —الاعلامي
ومرة علي مرة تصدق وتنسي انها وهم منسوج ذاتيا …ومرة علي مرة اللناس البسطاء يتعاملوا معاك من هذا المنطلق …
كارثة بكل المقاييس واحد كتب كام مقاله محدش قراهم غير عيلته واصحابة يبقي الاعلامي فلان ويبقي له رأي في مجريات الامور ويصدق نفسه اكتر ويحلل الامور من منظورة الشخصي اللي هو جايبة منين اصلا ؟؟؟مش عارفة
واحد غني اغنية في حمام بيتهم وعجبه صوته وقعد قعدة مع اصحابه وهم انصاف واعيين قالوا له الله لزوم القعدة والهيصة …تاني يوم يضرب بدلة بتلمع ويبقي الفنان المطرب اللوذعي قلان
واحدة ضربت شعرها اكسجين ورسمت حواجبها بالاسود (محدش يسألني اية الجمال في ده ) ولبست لاجن وعجبت واحد معدي كده من الاعلاميين (حسبي الله ونعم الوكيل ) يعمل لها برنامج وهب هب بقت المذيعة اللوذعية فلانة وتاني يوم علي طول تبقي الاعلامية المعروفة (اموت واعرف بقت معروفة فين وعند مين )
واحدة بتعرف ماتلبسشي هدومها قدام الناس عادي يعني تملك جراءة مواجهة الجمهور يعني بقت الراقصة المشهورة والكوكبة المسحورة فلانة (الله يرحم (سهير ذكي وتحية كاريوكا ) .علي فكرة تحية كانت واعية سياسية كبيرة ولم يعترض احد لانها كانت راقصة بجد مش هشك بشك ….
طولت عليكم وانا ورايا محاشي لازم اكملها ……….مانا كمان عاملة نفسي بفهم ….
اتمسوا بالخير