نقطة ..نبدأ من جديد.. حكمة للعمر المديد …اللى مايقتل يقوى واللى فى قدرك يصيب
.كل صبر وله حدود …حكمة قالوها الجدود …ياما فى دربك شرود ..خف لومك عن حبيب
تجربة علم الحياة ..صعب يفهمها الهواة ..علم من غير صوت معلم .. والعظات من غير خطيب
والليالى هنعايشها مرها ..أو حلو روحها من جراح القلب تشفى ..أجدى من مليون طبيب
******
كان وداد بيننا وبينكم .. راح وشاخ القلب منكم .. والألم راسم جراحكم ..لو تلين . لا لن تطيب
ياما كنا …ياما كنتم …والهوا عارف طريقكم…والهنا غاب يوم فراقكم ..والحياة قسمة ونصيب
..غاب على بالنا وبالكم ..يفترق لوننا ولونكم ..ينطفى م القلب نوركم أو يعاند أو يغيب ..
*****
لا احنا اول ناس بتغلط …. فيه كثير والعد لخبط ..دى حكايات والحبر شخبط … وروايات منها نشيب
بعد عشرة وحب ود … …والطريق مفروش بورد…عشنا بين صد ورد ..والحبيب أصبح غريب
ناس فى قلب الناس حبيبة .. كلها إخلاص وطيبة .ليه خصامهم يبقى عالى .. والأمل بينهم يخيب
ناس بتاخد تنسى تعطى …ناس تعاتب تنسى ترضى .. الأمل مل التحدى ……. عز للجاحد طبيب
************
عش لنفسك خد قرار ..طال عذاب الانتظار ..قم وغير للمسار……البشر أصبح عجيب
الزمن مش أصل داءنا ….داءنا فى قلة وفاءنا …وف قلوب مالهاش حبيب
كله يتصالح مصالح …لو هيغضب أو يسامح. ..لجل يملك يستجيب
بعد ما تخلص مصالحه….رقته تبعد وصبره .. والمحاسن فيه تغيب
اعرف الدنيا الغريبة ..واكتفى من الطيبة خيبة …كسرقلبك شىءعصيب
*********
إحنا أقوى من ألمنا.. مهما غدر الناس ظلمنا .. بالإرادة نحيى همة ..تعدل الحال الصعيب ….
مستحيل فى يوم نضيع ..واللى شارى يوم يبيع.. للى سايق فى المضرة واللى م الحسن السليب
رغم كسر الناس قلوبنا …. نمحى كلمة مستحيل ….مستحيل اليأس يحكم فينا من غدرة حبيب
ابتسم ..انسى اللى صار .. اطفى نار قلب وشرار …غدرهم شىء مش غريب
********
نقطة وأبدا من جديد… قبل ما الأيام تعدى قبل ما الأعمار تغيب …
غنى لحن الهون حنان ..واهدى كل الناس أمان…. والإله هو الحسيب
مهما تقسي الناس عليك ..امسح الحزن ف عنيك …وادعى ربك يستجيب
رب كل الناس ياواجد ..انت حاكم ..انت شاهد …اهد خلقك ياحبيب
وارض ليهم بالسعادة .وابسط الرزق وزيادة..واعف عنهم بالعبادة ….والهنا يبقى فى نصيبهم لو بعيد أو من قريب .
