نقطه من اول السطر
اتحداك لو فهمت حاجه
بقلم د/حماد مسلم
الاخلاق اصبحت عمله نادره..وولاد الاصول تاهووووووو في زحمة الجرابيع …وعيدان القصب مالت واتدلعت الزعازيع.. اخبارك ايه من الاخر تتنطط تتشألب تاكل برسيم ولا حتي جزر وبعدين اليومين دول ولا عارفين مين مع مين ولا مين بيشجع مين عارفين الواحد السنه اللي فاتت كان الجنيه مش بيجيب حاجه السنادي برضه الجنيه مش بيجيب حاجه وعلي الفكره مباراة النهارده الواحد مش عارف كل الجريده اخبارها زي بعض كلها اخبار تعكنن كلها تجيب احباط وبعدين شوف بقي ياسيدي احمد ادم بعد ماراح العراق يبيع المانجا الحرب قامت وبعدين ابوه امريكا تتهمه انه وراء تدمير برجي التجاره العالمي والزمالك يتغلب من مركز شباب والاهلي يفتح مستشفي النجوم والدوري هيسك ببانه وقال البردعي عايز يحكم والناس االي صدعوا دماغ اللي خلفونا وحكاية الوسواس بتاع الحمار بتاعي اللي داير ينهق في الغيطان وخايف من البرسيم اللي بقي مغشوش وعايز يغير زي الناس الي بتحب تغير وقول ايه شيخ البلد بيبيع الكفته بالمتر اما حكايه نوبنا اللي بيحلف بالطلاق ان الدستور مش هيتغير ولا الوزير اللي حالف ان يدخل موظفينه السجن علشان لصوص ومبتزين عارف بقي ان لو مش هتوافق هطلع السي دي هات اللي عندي معقول احارب انا لوحدي ليه هو انا اجازتي الجمعه والسبت بالنسبه لصنية البطاطس اللي بالفراخ بقت قديمه دلوقتي بقت هناك اختراعات جديده اسمها معرض الكتاب ندوات وامسيات كلام في كلام متعبي في قراطيس وشعر يتغزل وبيمدح واصل احمد زكي لما كان علي الجبهة حب يحارب بس يخساره مباراة الاهلي اتأجلت والدراسه كمان بيقولوا هتتأجل لان المعلمين مطحونين ومش عارفين يودوا فلسوهم فين علي كده سوريا بتتحرر وتركيا بتأم المسلمين وجواز المثلين جائز شرعا وحكايه تعديل الدستور حكايه مفروغ عنها والطبله اللي مع الناس دول شغاله زي الفل والصاجات وامتحانات الاعداديه والثانويه زي الفل وبعدين ركبت الاتوبيس طلع عين ابويه المشور بتاع خمس دقايق الموجه عاليه والبحر هايج والناس اصحاب العماره عايزين فلوس الميه ومحصل الكهربا كل شهر تعكنن عليا حد فاهم حاجه اتحداك لو فهت علشان انا مش فاهم بس علي فكره دى احوال ناس كتير بتكلم نفسها الكلام ده محصله من ناس كتير بتكلم نفسها في الشارع ياتري هنفضل نكلم نفسنا لحد امتي حرام كلام كله هرتله ومش مفهوم مين اللي فاهم اللغبطه اللي احنا فيها ياريت يشرحلي علشان حماري بيوسوسني كتير
…..الخلاصه
كله فاهم مفيش حد مش فاهم
….فيتوووووو
شياطين الانس اشد خطوره من ابليس نفسه