كتبت ونجلاء الطويل
وزارة التعليم اليوم اتفقت مع سامسونج العالمية علي انشاء مصنع جديد لتصنيع أجهزة التابلت للوزارة بدلا من استيرادها من الخارج وده لتوفير نفقات الاستيراد
مصنع سامسونج الجديد بتكلفة نص مليار جنيه تقريبا و هيوفر 500 فرصة عمل وهيكون بجوار مصنعها القديم في بني سويف
الوزارة اتفقت مع الشركة كمان ان التابلت اللي يتم تصنيعه يكون من طراز T505N موديل 2020 بدل T585 موديل 2016 اللي كانت بتستورده وزارة التعليم للطلاب
للعلم مصر بتملك بالفعل اول مصنع لسامسونج في الشرق الاوسط وافريقيا يقع في صعيد مصر تحديدا العملاق الصناعي المصري القادم “بني سويف” و بينتج سنويا 6 مليون جهاز وبيصدر كل سنة بـ9 مليار جنيه لاكتر من 36 دولة افريقية واوروبية وعربية
المصنع الجديد لسامسونج هيمد وزارة التعليم بأجهزة تابلت حديثة تحمل شعار صنع بفخر في مصر ومش هيكون الاخير لسامسونج في بنى سويف كمان بيخلصوا دراسات انشاء مصنع أجهزة كمبيوتر وتوسعة لمصنع التلفزيونات الموجود بتكلفة 1.4 مليار جنيه