كتبت/مني داوود
كتير بنستخدم في حياتنا اليوميه عدد من الكلمات اللي مش عارفين اصلها ولا فصلها منين لكن القاعده بتقول لكل (شئ بدايه واصل)
وانتشرت في لهجتنا المصريه كلمات كتيره تبان بسيطه ومن كتر بساطتها توارثتها الاجيال لكنها في الاصل ممكن تكون فرعوني او قبطي او تركي اوهيروغليفي او يوناني او حتي عثماني هنحاول نجيب امثله لبعض الكلمات الدارجه في حياتنا اللي تقريبا بنسمعها كل يوم فمثلا
اول مالمولود يتولد ويشوف النور يسمع امه بتناديه بكلمات ومفردات غريبه لوجاع تجري الام تحضرله الاكل وتقوله (مم )يعني عايز تاكل لو عطش تعلمه يقول( امبو )
حتي وهو بيتعلم المشي لاول مره تعلمه يقول تاتا وهي في الاصل كلمه هيروغليفيه بمعني امشي
ولما تحب تخوفه زي اي ام مصريه اصيله تقوله (هجيبلك البعبع )وهي كلمه قبطيه بوبو ده كان اسم عفريت مصري بيستخدموه لتخويف الاطفال
كلمه نونو معناها الوليد الصغير ،
كلمه شبشب وهو الخف وهي من اصل قبطي،
البصاره معناها الفول المطبوخ (بيصورو)،
كلمه مدمس الشهيره معناها الفول المستوي في الفرن ،
العيش باش باش ملمه فرعونيه معناها طري ،
سك الباب اصلها فرعوني معناها اغلق الباب ،
مصطبه وهولفظ فرعوني وتعني التابوت ،
طنش معناها لم يستجيب ،
بح بمعني انتهي ،
كحكح بمعني العجوز ،بطح ضرب في الرأس،
فلان كوش معناه سرق الشئ ،
السح ادح امبو معناها الملابس ،
برطم بيبرطم وهي تدل علي الغيظ والغضب ،
بص بمعني انظر وتمعن وهي كلمه عربيه فصحي ،
كلمه خربشه بمعني افساد الشئ ،
صايع بمعني الفرقة والضياع ،
هس بمعني ايقاف الصوت ،
عبيط عا وهي تعني حمار وبيط وتعني الشخص الحمار ،
طظ كلمه تركيه الاصل وتعني ملح ،
اهبل وهي كلمه يونانيه وتعني ساذج ،
جزمه وهي اصلها عثماني والمقصود بها الحذاء ،
شنطه وهي اصلها تركي بمعني حقيبه ،
كلمه دبله اللي معناها خاتم الزواج والخطوبه معناها الجمع والتدوير والتكبير ،
يادلعادي كلمه دارجه تستخدم في الاحياء الشعبيه او بمعني اصح في الخناقات الشعبيه وهي في الاصل كلمه عربيه بمعني الد اعدائي ،
يا خراااشي كلمه مصريه اصيله وترجع لاسم شيخ ازهر محمد الخراشي الذي كان ينصر الضعفاء وعشان كده بيستخدموها في الخناقات كاسلوب نداء ،
وفي موسم الشتاء وعند نزول الامطار نقول يامطره رخي رخي وهي في الاصل رخ هيروغليفي معناه نزل
وفي الصيف نقول الدنيا بقت صهد وهي كلمه قبطيه بمعني نار
وللحديث بقيه