Share Button
بقلم دكتور / عبدالله أحمد
دكتور عبدالله أحمد بيقولك تعالى اوضحلك ما هو الفرق بين الفضل والتقدير ايه اللي يكون فضل منك وايه اللي يكون تقدير واسمع كلامي تكسب ماهو Happy wife Happy life
– انك تحضن مراتك في لحظات الصفا … ده تقدير ، اما الفضل … فهو انك تحضنها وتطبطب عليها في عز مشكله وخناقه بينكم
– انك تفسح مراتك يوم الاجازه … ده تقدير ، اما الفضل … فهو انك تاخد اجازه من شغلك وتفاجئها في البيت … وتقولها … سيبي اللي في ايدك … انا عاوز افسحك
– انك تقول لمراتك ” تسلم ايدك ” و ” ربنا يخليكي ليا ” لما تعملك اي حاجه … ده تقدير ، اما الفضل … هو انك تقول نفس الكلمات … بس وهي لسه بتفتح عيونها او بتستعدوا خلاص للنوم
– انك تعاكس مراتك وتغازلها وهي في قمه اناقتها … ده تقدير ، اما الفضل … فانك تعاكسها بس وهي لابسه مريله الطبخ … او لسه صاحيه من نومها
– انك تقوم بواجبات مراتك المنزليه وهي مريضه … ده تقدير ، اما الفضل انك … تعمل نفس الحاجات بس وهي سليمه … وتقولها ارتاحي … انا هاعمل مكانك
الملخص … ان التقدير ده حاجه انت ملزم تعملها … عشان ده حقها عليك
اما الفضل … فهو حاجه بتعملها بحب … عشان تحافظ على حبها ليك
ابتسم ف غدا افضل بابتسامتك
تمنياتي لكم بحياة زوجية سعيدة
Share Button

By ahram masr

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني.