Share Button

بقلم الدكتوره الشاعره … حنان اسماعيل
عشقتك ياجدع وعشقت أهلك وناسك
ماهو اللى بيحب حد بيحب كل أحداثه
بيحب شكله .. بيحب روحه
بيحب طبعه ..
بيحب أشياءه ..حتى لو مش مقاسه
وأنا حبيت جدع
مشفتش فى جماله
بحب صوته
ما هما زمان قالوا
الأذن تعشق قبل العين أحيانا
بحب ضحكته لما بسمعها
بتزهزه دنيتى بحالها
بحب اللمعة اللى فى عنيه
بتفتحلى سكك بأقفالها
بحب حضنه ..إلا حضنه
ده يتقال فيه ألف حكايه وحكايه
ولما سألونى يعنى ايه بعشقك
قولتلهم
العين ..عيونى ما تقر غير لما أشوفه
والشين ..شوفوا الهيام اللى فى عيونى ساعة شوفه
والقاف ..قلبى بيته ومطرحه طول ما بيدق دقاته
وياريتنى أكون كده بعض حقه وفيته
#حنان إسماعيل#

By ahram masr

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *