يا زهرة الفل ياقلبي

يا زهرة الفل ياقلبي
Share Button

بقلم مصطفى سبتة
وحشتيني وقلبي من
بعدك ياروحي مولع نار
ووحشتني قعدتي
الحلوة في وسط الدار
ووحشني قلبك وهو بنبضه
.مخبي حبي والأسرار
ووحشني لعبي مع
صاحبي وإبن جار الجار
لعبة أنا مين وانت مين
ومين القط ومين يكون الفار
ووحشني الاهل واللمة
..والاخت العمة والعم وست
الدار وليالى حب بتجمعنا
والخير يعم الجميع أنهار
ووحشتني قبلة من خدك
ليلي يتحول بعدها لنهار
ووحشني صوت اسمعه
منك نغم يعزفه موسيقار
ووحشتني نظرة تسحرني
تخليني من نفسي عليك أغار
ووحشتيني كلك علي بعضك
يازهرة الفل وأنا رغم الفراق صبار

ahramasr.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: