حماتي
اهداء الى كل الحموات
بقلمي مسيو / احمد الصعيدي
حماتي وفى الحنان كأنها أمى
لما تشوف عيالي تطبطب على الكل
وتهلل وتسمى… وتقول
غلوتك غلاوة ولدى
ال من لحمى ومن دمى
وفرحك وولادك دا فرحى
وفى غضبك يكون همى
طيبه وفيها يا ناس ريحه أمى
لما تكون زيا رتنا يا ناس ليها
محلى الطعام والقعدة جنبيها
كلنا لمه والكل عاوز يرضيها
حماتي فى كلامها حلوه ورزينة
وتعاملها مع الكل ام وحنينه
وفى عيد الام فرحها يدفئنا
لما تغنى يا حبيبي يا حلوين
وهى وسطينا
حماتي وليها فى قلوبنا نصيب
كبير صغير الكل ليها حبيب
ودعوتها بالخير للكل
بعيد ولا قريب
وتقول يأرب يجمعني بيكم
زياره الكعبة والجلسة عند الحبيب
ولا اشوف اِلم فى حد فيكم
ولا حد منكم عنى يوم يغيب
تعيشوا يا حبيبي ويديم لمتكم
ويكون ليكم من زياره النبي نصيب
تعليق واحد