لا صوت يعلو
ــــــــــــــــــــــــــــــ
طول عمرنا ساكتين
عن كل شيئ صايمين
لاصوت يعلو لاصوت يعلو
لحد ماأدمنا السكوت
لاصوت يعلو
وعشقنا صوت السكوت
كنا ساكتين للمعركة
ودلوقتي سكوتنا موت
كان فيه أرض مسلوبه
دلوقتي حياتنا منهوبه
وبرضو لاصوت يعلو
كل الحقايق مقلوبه
ولا صوت يعلو
وأدينا ساكتين
وعن كل شيئ صايمين
وبندفع تمن السكوت
فقر وجوع وموت
تحت عجلات التوت
وتحت أنقاض البيوت
لا بنقول آه
ولا صوتنا عدي مداه
كل شيئ جوانا محبوس
حتي غرغرة الموت
بتطلع من غير صوت
تحت عجلات التوت
وأنقاض البيوت
وعلشان مايعلي صوت
فوق صوت السكوت
لاصوت يعلو
فوق صمت الموت
وأشتاتا أشتوت
السماح ياأسيادنا
وعدي ياقطر الموت
فوق أجسادنا
وان سمعت لينا صوت
إرجع وعدي علينا
والله من سكات هنموت
ولا تمن ولا ديه لينا
المهم لايعلو صوت
فوق صوت السكوت
ــــــــــــــــــــــــــــــــ شعر/السيد حماد