بقلم مصطفى سبتة
أنت مين ياجاري يا جاري
يا اللي دارك جنب داري
الحب احساس وشعور
راه فاض الكاس بالفقايس
يا عبادين القبور…
راني نهضر بلا مانشعر
فهموني يا ناس ماطامع ف مال
ماباغي نولي مشهور
الضرع يحلبو السطل
والسطل مگعور
ناري يا نار على جلابة نار
لابسها مول الشهادة زور.
قرا وتمعن الهموم جبال
شيبت الراس الخيل حزينة
لكانت ف المربط تحنحن
خواو الجبوح هرب النحل
مول النفس
المحن محگور الكرموس
جنجگ عليه الناموس
عجباتو الحلاوة
الدبان يعشق العفن
شاف الشوف الديابة
ملكو الغابة
تيلعبو مع الحلوف حابة
الفجر عليه الضبابة
كنت غادي نهبل
حسيتني بحال المسحور
بكيت دموعي نزلت حجور
شعلت الشموع
واك واك الحق شعشع
النور الحق طاير
يفدفدو جنوحو
والخا مدبوح
بقيت مبهور
بغا يخرج العقل
الخيط لكحل
على كفوف لبيض مشبوح
الصدق بينا وبينو
اسوار مبنية بالصخور
مايفك م الموت
لافلات ولا قصور…
كل شي مسطر
مألف صحوف
على وجه اللوح
عريان مكشوف
الفاتحة بابها مفتوح
مزينها بحروف القرآن بيان
ماعمرو اجنانو يخرف
فيه المشروح
الزمان مدادو بحور
ماعمرو يجف
فيه الباين والمستور
القلم بالسر يبوح
يكتب السبوب
يداوي الجروح
القلوب الصافية بلار
واضحة كيف القمار بالنهار
فرحات لحافظين الكتوب
في الصدورخاف الخوف
يا لمغرب راك غالط
في الدنيا معدب
ثايق يا المغرور
الظلم داير سوالف
طالق الشعور…
جاري يا جاري
خلي داك الجمل راگد
راني بالمحاين نراري
طابو لمراود
الشيطان فينا حالف
محساد حاقد
عدوه لروا الحديث بالله عارف
والجبهة لتسجد ف البيت
وابنادم راك تالف
اقرا الدستور شد ف الحبل
كن جار لاتكون مجرور
نكرت النعمة هربت م الجنة
اخترت تعيش مقهور: