Share Button

بقلم / محمد مختار
كلميني يارصاصة
كلميني وطمينيني ..
لماكنتي في قلب ابني أتوجع ..
طب كان بيبكي …طب مات جدع
طب حس بيكي أو اتصرع
وانتي داخله بكل قسوة تقتليه
كنتي عارفة انك رايحة تحرميه
من حياته ومن حياتي
هو كان أطيب ولادي ….كان يوماتي بيبوس ايديا
ويقرا كل اللي في عينيا
وكان بيقضي حجاتي ليا
كنت لما يوماتي أصلي
أدعي ليه من كل قلبي
يفضل طول حياتي سندي
وبعد ما اموت يبقالي صدقة
بس عشت .. وهو مات….
ارهابي غاشم
خد عمره سرقه
وساب بموته ف قلبي حرقة
يار صاصة
هوانتي حالفة
تختاري الشباب
وبعد موتهم برضه حالفة …تسكني جوه قلب الأمهات
كلميني يا رصاصة
لما كنتي في قلب أبني
أتوجع ..
طب كان بيبكي …
طب مات جدع ….

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *