كتب ابوسليم عبود
لم أشعر بالغضب والتعاسة أكثر مما شعرت بة عند سماعي لأحد الفيديوهات لاحد الهاربين المرتزقة وهو يتحدث الي أحدي القنوات الإسرائيلية وهو يتحدث عن مصر بكل هذا الحقد والغل والكراهية آلتي لم أجد لها مبرر وأحد
محاولا إقناع من يتحدث آلية أن مصر ماهي الا هواء يعني شيء لاوجود لة مرددا علي مسامع اسيادة أن مصر تحاول إقناع من حولها أنها هي الوحيدة صاحبة سيناء
وبالرغم من أن من هم علي الناحية الأخري يعلمون أكثر من غيرهم من هي مصر ويعلمون أكثر من غيرهم أيضا ماذا فعلت بهم مصر ولكنها الخيانة آلتي أصبحت هي سك المرور الوحيد لمثل هؤلاء حتي يستطيعون العيش علي ما يمنح لهم من فتات
ما ابخس بضاعتكم آلتي تودون الترويج لها هنا وهناك من أجل فقط أن تجدوا لأنفسكم موطيء قدم او كرسي علي أي ماءدة لتقتاتوا عليها هذا المضل الضال المدعو مسعد ابو فجر سيناوي المولد ويعلم أكثر من غيرة كم من دماء ذكية لشهداء من أبناء الوطن اوريقت من أجل هذة البقعة بالذات من أرض الوطن
أحبابنا في الله عشاق التيه الثوري ومتعهدي نشر سباخ الكآبة و روث الإحباط في تربة المجتمع المصري،، تلاقيهم دايما بينكروا ان عندهم احساس بالدونية … مفيش مشكلة، بس تخيل معايا كده واحد بيعمل الحاجات دي وقوللي دي تبقي ايه غير دونية :؟
كل ما تيجي سيرة مصر يشتم ويتريق، وكل مايسمع أي أغنية عن مصر قديمة أو جديدة يتريق ويشتم، أو يداري على ده بأنه دايما يقول الأغنية وحشة … يعني حسين الجسمي يعمل أغنية يشوفها مائة مليون من العالم كله على يوتيوب تبقى وحشة ومطلعة الشعب المصري رقاصين ….شيرين تغني أغنية يقولك وحشة وبتفكرنا بأغنيتها لمبارك ، عمرو مصطفي يعمل أي أغنية تبقى وحشة من قبل مايسمعوها بسبب موقفهم منه .
شايف مصر دايما في دور العبد أو الجارية اللي شغالة عند الناس…نقابل مسئول أمريكي يقولك بيقابلوا أسيادهم … نقابل واحد خليجي يقولك بنقابل الكفيل .. نقابل واحد روسي يقولك بنقابل ديكتاتور ..نقابل واحد موزمبيقي
يقولك بتقابلوا رئيس دولة فاشلة.
كل مايسمع كلمة مصر جميلة يتضايق ويكتبلك بوست طويل يوصف مشاهداته عن قد ايه مصر وحشة ومقرفة، وانه بيفكر في الهجرة لبلاد متقدمة تقدره وتقدر مواهبه ، وهو أساساً لا متعلم أحسن من غيره، ولا بيفهم أحسن من غيره، ولا عنده أي ميزة تخلي العالم يجري وراه غير أنه حاصل على دبلون إحباط قسم تكسير مجاديف
اذا سمع عن شبكة تجسس مسكوها يقولك الحكومة بتلفق تهم… عرفت ازاي؟ يقولك هو احنا عندنا حاجة يتجسسوا عليها.
اذا سمع عن صفقة سلاح يقولك البلد مش لاقية تاكل ورايحين تيجبوا سلاح..؟ أو ..أكيد دي رشوة سياسية ، واذا عرف ان أطراف تانية دافعة جزء منها يقولك يبقي احنا جيش مرتزقة ، ولو عرف ان احنا اللي هندفعها يقولك يبقي اكيد هيبعتونا نحارب كمرتزقة ويدونا عرقنا.
كل شوية يكتبلك أشعار لنجيب سرور بيشتم فيها مصر ومعتبر كده انه واد مثقف لأنه بيقرا وينشر شوية شتايم.
لو سمع اننا بنعمل مفاعل نووي يقولك هو احنا بنعرف ندير أوضة وصالة لما رايحين تيجيبوا نووي ؟ وطبعا الحكومة هتدير المفاعل بطريقة مدام عفاف اللي معاها الختم ومشيت بدري عشان عندها ساعة رضاعة ؟.. ولو ماسمعش وسمع عن محطة كهربا بتشتغل بالفحم مثلا يقولك العالم المحترم بيعمل طاقة نووية وطاقة نظيفة صديقة للبيئة وانتوا لسه بتتكلموا في الفحم ؟!!، ولو سمع عن توليد الكهربا بالطاقة الشمسية ،، يقولك دي شو وسبوبة ، ولو ماسمعش عن دا كله وسمع إن دعم الطاقة هيتشال يقول هي فين الحكومة ؟وهو لا فاهم طاقة ولا بترول ولا فحم ولا نووي وآخره يصلح بوابير جاز .
لو سمع كلمة محاربة الإرهاب يتريق ويقولك دي فزاعة وشغل مخابرات … لو سمع عن تفجير يقولك دولة فاشلة و مفيش فايدة … ولو سمع عن ارهابيين اتقتلوا يقولك داخلية بلطجية بتقتل الأبرياء، وقتلهم مش حل… و لو اتمسكوا واتسجنوا يبقي القبض عليهم مش حل و برضه مفيش فايدة.
– لو جت أمطار أو هبت عاصفة رملية أو ترابية يتريق ويقولك مصر المتربة القذرة أو مصر حفرة مليئة بالأوحال ، شوفوا بلاد بره بتتعامل مع الحاجات دي إزاي بكل حرفية …تجيبله بلاد تانية من العالم المتقدم بيحصل فيها زي ما بيحصل في مصر ، يقولك يا عم خلينا في خيبتنا وبلوتنا ، احنا مالنا ومالهم
.
دايما شايف أنه أسطورة النقاء وأنه حاجة نضيفة في بلد قذر مش مقدر قيمته الحقيقية اللي بتكمن في لسانه الطويل وتريقته علي أي حاجة وهبده وفتيه عن جهل باستمرار وكراهيته لكل اللي حواليه عشان قرا كتابين (وفي الأغلب مافهمش منهم حاجة )
دول ناس مُحبِطين أو بيصوروا نفسهم علي أنهم مُحبَطين ، وهما في الحقيقة فاقدين أي انتماء حقيقي وحاسين باغتراب وحاسين بدونية شديدة جدا لا دخل لنا فيما يعانون منة من ازمات نفسية داخلية ناتجة عن أشياء حدثت لهم في مرحلة معينة من السن
أنهم أوغاد هذا العالم بلا منازع يحاولون بكل السبل والطرق والعبارات أن يحللون طعام الخيانة الذي نبت في أجسامهم
ولكن ستبقي مصر رغم انف كل حاقد وخائن ومرتزق لأنها أرض الكنانة ستبقي مصر بكل أبناءها ولابناءها
حمي الله الوطن
وعاشت بلادي وشعب بلادي