حب تلاته حروف
وحرب وجع وألم موصوف
وبين الاتنين فزع وخوف
مابين بكا ودموع
وهجر وخلق للبيع
وخصام وتطبيع
وكله على حسب الظروف
بالحب نبني ونعمر
والحرب تقتل وتدمر
وضمير واقف مكانه ومتسمر
وعيون العالم كلها خزي وكسوف
بكلمه تجمع قلوب
وبكلمه ف الهم تدوب
وايه فايده الحب ومعاه حق مسلوب
واخوات ع البعد
نهد ف بعض
وانا محتاج لضهر و سند
وبعيني للحرب ما أشوف
محتاج لضمه حنين
لأن الحرب بتولد ظلم
صبايا وشيوخ ونساء مكلومين
ف كل شبر متغطي بالدم
الحب يمحي كل شيء سخيف