خواطر
بقلم:فيبى بطرس
الى اى مدى نسعى دوما لتغيير الواقع او الانحراف بالخيال لتحويل مسار او تعديل حياه ارغمت عليها ولكن يبقى القدر والمكتوب حقيقة لا تستطيع تحريفها او الخروج عن المسار والا وقعت فيما لا تحمد عقباه
هل من موافق ؟
زى ما الاكل بيحب اللمة
الحياه محتاجة نفس اللمة
بس مش هتعرف تاكل وانت شبعان او يكون الاكل وحش او الصحبة سيئة
نفس الكلام فى حياتنا
لم حوليك الناس الحلوة الى مشبعتش من الوحش علشان هتكب عليك من الفائض شر
معندوش حاجة حلوة يديهالك فاقد النظافة الحياتية هيوسخ ثوبك ويعكر طريقك
يصبحكم ربنا بنور طالل من عباد صالحين
الغلطة لحظة والندم عليها سنين
مش اى وردة تشوفها لازم تقطفها بعد كدة تدبل وتموت فتقطف غيرها تشم ريحتها الحلوة ووقت متذبل حتى مبدردلهاش الجميل وتسقيها علشان تعيش
الورد الى بتمشى وترميه اصلا كان فيه شوك مش هيبان غير لما الوردة تموت وقتها هتمشي وتدوس عليه ويحرام يمكن شوكه يعورك ومحدش يلحق يوقف النزيف فانت كمان تموت
خلو بالكوا من الورد لو مفيش مكان ترعاه فيه متزرعوش
برضه ديه خواطر
الانسان الاسفنجة
هو كائن يمتص كل ما هو حوله و ياسلام لو عاطفى وحساس تلاقيه بيجرى وراء الهم والناس الى عندها مشاكل علشان عنده يقين انه لازم يساعدهم ويفرحهم فيعينى عليه يفرحهم وهو يتوكس بالحزن الى اخده منهم
الغيرة
عارفين الغيرة بتعمل فينا ايه
تعالوا اقولكوا
الغيرة من بنت حلوة وسط جروب بنات ممكن توصلهم اقل حاجة للتقليل منها والكلام عليها والعيب فيها واسقاط العيب الذى بهم بها
من ولد ربنا اداله واحدة حلوة انهم يوقعوا بينهم او يحقدوا عليهم وممكن كمان يدخلوا بالشر للتفرقة بينهم
وامثال كتير ماتتعدش
كل واحد اخد حاجة حلوة اعرفوا انه دفع قدامها ثمن
ارضوا بالى ربنا قاسمه ليكم وافرحوا لفرحهم وشاركوا الاحزان
ولا تسعوا ابدا لافساد حياة الاخرين
المحبة كنز لا يفنى