وطني
ــــــــــــــــ
حنيني ليك ياوطن
فاق الحنين للأم
للأب للخال للعم
للاخ للأخت وصلة الدم
راجعلك ياوطن خدني
في حضنك ضم
اغسلني م الأحزان
ريحني م الهم
البعد عنك طال
والبعد عنك غم
اللقمة جواك حاف
ليها ألف طعم
واللقمة بعيد عنك
متغمسة بالسم
حنيت ليك ياوطن
واحلفت لارجعلك
ان شالله حافي القدم
يكفيني أبوس ترابك
واملي بيه الفم
واقعد علي نيلك
ويملي صدري عبيرك
وتحت شجرة توت
اقعد واغنيلك
واردد مواويلك
مانت جوايا ساكن
مش انا اللي فيك ساكن
خدني في حضنك ضم
ياوطني ياأپ وأم
ــــــــــــــــــــــــــــــــــ
شعر/السيد حماد