Share Button

بقلم مصطفى سبتة 
لازم نعبر عن إحساسنا ياخوانا
تجاه الناس آللي تحبنا وتقدرنا.
وتخاف علينا من يوم ما ربنا 
جمعنا واحنا ف بداية مشوارنا.
ربنا خلق اللسان نعمه مش نفضل
الصمت ونعمل مش واخدين بالنا
نعبر بيه للناس آللي عشرتنا
والأخر نبكي بدمع عيونا
اذا كان ف مدرسه او كليه او
حتى ف أشغالنا او داخل بيوتنا
ونزعل لما يفضل علينا غيرنا
ومش عارفين نداري دموعنا
ونعيش مع ناس مش مقدره
حبنا ليهم وإحترامنا ونفضل
دايما الضحيه بسبب إستهترنا
ونخسر أعز الناس آللي كانت
بتسعى ف رسم الفرحه داخل قلوبنا.
مش عيب اننا نعبر بكلمه
حلوه تريح آللي قدامنا
لو حتى عن طريق المجامله
لكن تسعد أعز الناس ف حياتنا
الكلمه الطيبه صدقه والرسول بنفسه
بلغنا صدقوني الصمت مش هايفدنا
ولا هايعلي من مقامنا
ولا هانتحصل ع السعاده طلما بنداري
حبنا لاعز الناس من يوم ما إتقابلنا
هي لحظه وبتكون مفجأه
وبتمر قدام عينا وإحنا وإختيارنا
وكل شئ كان واضح قدامنا
مانجيش نبكي ونحس بفشالنا
واحنا معبرناش عن إحساسنا
ومشاعرنا والكل هايعاتبنا ويلومنا
بسبب غبأنا وسوء تصرفنا
احنا لسه ف بداية حياتنا وبينا
وبين بعض عشره ومافيش داعي
ندوس على غيرنا بصمتنا وسكاتنا
وبعدها نبرر موقفنا ونحمل ظلمنا لغيرنا
ع حساب ناس كانت ف الاول بتقدرنا
وبسبب الصمت فضلوا غيرنا واحنا
آللي بندفع التمن بسبب صمتنا
وسكاتنا وتنتهي بفراقنا
عشان كده لازم نعدل من عيوبنا
ونعبر عن إحساسنا ومشاعرنا
بكلام جميل يفرحنا ويسعد
اعز الناس ف حياتنا
الكلام الطيب له معنى بيحيي
فينا روح المحبه والهدايه والرحمة
دي حقيقه وربنا يصلح حالنا
شاعرالعصر صاحب كلمه
لها مضمون ومعنى يفيدنا
و ينفعنا بقصيده جميله تنال إعجابنا
وتحسن دايما من أخلاقنا وتذكرنا
باللي خلقنا وداوي همومنا و جراحنا..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *