Share Button

امل جمال ابوالحسين
” واعلموا ان فيكم رسول الله “انا بعشق حروف الايه دى انك تعرف ان كل مسلم فيه من نور سيدنا النبي صلى الله عليه وسلم دا احساس تحسه من الجنه من حلاوته مش بيتوصف بتحسه بقلبك
وانت بتقرا قران ربنا تدبر وتفكر. علشان النور الا فى قلبك يزيد وتنور. وتشوف كل حاجه بنور من عند ربنا وهتبدا تشوف بقلبك ايوا ماهو درجات فاكرين الغزوه الا كان قائدها ساريه الكنانى
اما “ساريه الكنانى” احد قاده جيوش المسلمين فى فتوحات بلاد فارس وبينما كان يقاتل المشركين فى بلاد الفرس. تكاثر عليه الاعداء وفى نفس اليوم كان امير المؤمنين الامام”عمر ابن الخطاب “رضى الله عنه يخطب خطبه الجمعه على منبر رسول الله صلى الله عليه وسلم
فاذا بعمر ينادى باعلى صوت” ياساريه الجبل. الجبل من استرعى الذئب الغنم فقد ظلم”
وبعد الخطبه ماخلصت تقدم الناس الى الامام عمر وسالوه عن ما يقوله فقال لقد وقع فى خلدى ان المشركين هزموا اخواننا وانهم يمرون بجبل فان عدلوا اليه قاتلوا من وجدوا وان جاوزه اهلكوا .
وبعد ذلك جاء ساريه والمسلمين منتصرين وسال ساريه الامام ابن الخطاب فقال يا امير المؤمنين تكاثر العدو على جنود المسلمين واصبحنا فى خطر عظيم
فاذا سمعت صوت ينادى “ياساريه الجبل. الجبل من استرعى الغنم فقد ظلم”عندئذ وجهت اصحابى الى سطح الجبل واتخذت ذروته لحمايه مؤخره الجيش وواجهنا الفرس من جهه واحده فما كانت الا ساعه وانتصرنا. ” ساريه سمع صوت عمر ابن الخطاب وهو مش معاه فى المعركه ” والامام عمر رأى بنور من عند الله ما حدث فى الغزوه وهو يخطب بالمسلمين ” وكمان ساعدهم ووصلهم رساله. ايه العظمه دى ورضا ربنا وعطائه وفضله العظيم
” من الاخر كدا”
عارف النور الا بيوجهك من قلبك ويرشدك الطريق دا لو مشيت فيه هتشوف حقيقه كل حاجه وهتلاقى نفسك شفاف اووووى وبتحس بكل حاجه دا كمان هتلاقى نفسك بتتحرك من نور قلبك وبتشوف الناس كدا. مش بصورتهم . دا اسمه نور القلب
نور كدا من عند ربنا حبيبنا. الله. الله لما قلبك ينور ربنا بيقول بسم الله الرحمن الرحيم ومن لم يجعل الله له نورا فماله من نور صدق الله العظيم
ربنا بيحبك. اتبع النور الا جواك. وسيدنا النبي عليه الصلاه والسلام بيقول ” الارواح جنود مجنده فماتعارف منها أئتلف . وما تناكر منها اختلف ” ودا هيكون الكلام فيه المره الجايه
روحك مش هتروح ولا هترشدك غير للى يشبهك فخليك طيب علشان تقابل الطيب. فى كل حاجه ومتنساش المؤمن كيس فطن واوعى. اوعى تلدغ من جحر مرتين وشوف الدنيا بعين قلبك وسبحان مقلب القلوب ربنا يثبت قلوبنا على دين الاسلام واللهم لك الحمد على نعمك التى لاتحصى ولا تعد نهاركم كله حب فى الله وقرب.
نهاركم فل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *