Share Button

 

   متابعة/ صادق المناسفي🇪🇬

حاليا بيشرفنا جمهور ٢٣ دولة أفريقية على أرضنا علشان فعاليات بطولة كأس الأمم الأفريقية.. وأكيد كلنا هانقابل أفارقة في الشارع أو في المواصلات العامة أو في محيط الملاعب.. فياريت ناخد بالنا من شوية حاجات :

– علموا اخواتكم وولادكم وشبابكم يا جماعه يحترموا الضيوف ويكرموهم.

– بلاش استظراف وسخرية مش في محلها وتعليقات ع البشره السمراء بالتحديد.

– بلاش كلمات من عينة ( سماره وشوكلاته وبكار واسمريكا ) .. الكلام دا بيعتبروه عنصرية وإساءة وازدراء مش خفة دم خالص.

– بلاش مضايقات للسيدات سواء بالسخرية من أجسام البنات الأفارقة أو بالتحرش والغزل في البنات المغاربة والتوانسة.

– بلاش هبد وتحفيل بره الكوره على ضيوفنا في مواقع التواصل الاجتماعي.

– احنا مش لوحدنا ع الكوكب يا جماعة وفي ناس تانيه لها لغات وأديان وثقافات وعادات وتقاليد مختلفة عننا تماما.. فياريت بلاش ألش رخيص ونحترم ثقافات الناس وتقاليدهم والوان وشكل ملابسهم واسلوب تعبيرهم عن فرحتهم بفريقهم ونجومهم.

– وجود اخواتنا الأفارقة ضيوف عندنا لمدة شهر فرصة لطيفة لإنك تكون انسان محترم ونضيف ومتحضر وراقي .. أو خليك ” انسان” بس ومتأذيش حد من فضلك. فرصة كبيرة انك تكون سفير لبلدك بمظهرك وتحضرك واحترامك لقوانين بلدك وللغير وياريت يكون كل سلوكك يدل بالأفعال انا مصر انت مصر انتي مصر نحن مصر هذه هي مصر ام الدنيا

By ahram masr

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *