بقلمي عبدالله رجب ابوعدنان
حبيت ييجي ١٠٠مرة والحب كان دوا
غلط وخسرت وفرحت وانتي علمتيني الجوى
سقتيني الألم ف كاس
وكانت عيوني عليكي حراس
وهبتك روحي وعمري والرقه والإحساس
وقلبي ف غرامك داب و انكوى
كنتي المشرط والجراح
ولما عشت جوا حضنك لقيتني مرتاح
ولما خرجت عن طوعك ظهر إن حبنا سفاح
أو أن قلبي خلاص غوى
القسوه اللي شوفتها ف عيونك تكفي الوف
نار بتحرق قلوب
وانا اللي كنت غاوي وواقع ف الغرام ملهوف
ازاي عن حبك أتوب
كان نعتك ليا كعود خيزران
حتى الأسيه كنت بشوفها حنان
رسمتك ف عنيا نور و أمان
وعلشانك اتحملت كل الظروف
وكنت راضي بيوم بين ضلوعك وعشرة جفا
ع الشفايف لسه أثر الفراق
لسه عسل الشهد والطعم روايح
قلبك حجر ودابت الأشواق
وما فاضل غير الكلام الجارح
نسيتي سهرنا وحديتنا وايدك بتلف نصي
مرمي على صدرك جفون الليل لجل ما تحسي
حبيتك لأنك أغلى قصيده كتبتها عن نفسي
وعن اللي خان العهد والوفا
أثر الفراق بقلمي عبدالله رجب ابوعدنان