مع عبير مدين
طريقة الرز بالجمبري، سهلة جداً مش هتاخد منِك وقت كتير.
حضري:
– نص كيلو جمبرى متقشر ونظيف
– بصلة مفرومة فرم خشن
– 4 فصوص ثوم مفروم
– 4 ملعقة زيت
– 2 ملعقة سمنة
– كيلو رز أبيض مغسول
– نص معلقة كركم
– ملعقة كاري
– نص ملعقة كمون
– ملح وفلفل
– ملعقة كزبرة خضرا مفرومة”للتزيين”
– ملعقة شبت مفروم”للتزيين”
الطريقة:
– أول حاجة هنحط ملعقة زيت فى “طاسة”، ونسيبها على النار لحد ما يسخن الزيت شويه، وبعدين هنضيف الجمبرى والثوم المفروم ونقلب كويس، بعدها نضيف الملح حسب الرغبة وأول ما يوصل لمرحلة التسوية نرفعه عن النار ونسيبه على جنب.
– في حلة هنحط ملعقة زيت و2ملعقة سمنة ، أول ما تسخن نضيف البصل لحد ما يبقى لونه ذهبي، نضيف الرز ونشوحه مع البصل ونضيف كل التوابل « الكركم – الكمون – الكاري – الملح – الفلفل» ونقلب كويس.
– وبعدها نضيف المايه لحد ما تغطي الرز علشان التسوية تبقى مظبوطة. وأول ما الرز يتشرب، نضيف الجمبري ونوطي النار لحد ما يستوي.
– لما تيجي تقدمي رشي علي وش الطبق الكزبرة والشبت علشان تكمل القيمة الغذائية وكمان الشكل يبقي أجمل
وبالهنا