غريب
كتبه صالح عباس حمزه
روحت اشوفك في المكان
اللي كنت بشوفك فيه
لا لقيتك ولا لقيت المكان
اللي كنتي بتقابليني فيه
لقيته مكان تاني
والمكان ده مش مكاني
ولا المكان اللي كان في خيالي
لانه في الحقيقه بقى خالي
ولقيت صور لناس ما اعرفهم
قولت وانا مالي وليه هاعرفهم
ولقيت واحد قال لي اطلع بره
ده المكان اتباع لواحد من بره
ولقيت نفسي وحداني
حسيت ساعتها اني غريب
وانى مالي في الدنيا حبيب
صرخت وقلت مين يرجع لي بلدي من تاني
ولا راحت واللي راح مش راجع تاني