بالنسبه للرسم : اكتشفته في الانشطه المدرسيه ولأنه دايما نشاطي بيبقي مميز الحمد لله فانتبهت ليه وللالوان المتناسقه اللي الحمد لله كانت قادرة تجذب حتي ولو كانت بسيطه ومبتدئة جدا
أما بالنسبه للإنشاد الديني والغناء : كانت مجرد دندنه بسيطه ل نشيد ديني سمعتني صديقتي ومن هنا أصرت اني أقوله قدام أحدي المدرسين وحبوه وبدأت بالازاعات المدرسيه ومن هنا قررت ابقي اغني اغاني أخري كمان غير الاناشيد الاسلاميه
بالنسبه للكتابه : كنت بسرح كتير وفي دقيقه ممكن اعمل فيلم وكنت بندمج جدا معاه لدرجة اني ممكن اعيط علي أحداثه وافرح ل جماله ومن هنا قررت ابقي اكتبهم علشان منساهمش وبعدين عرفت انها موهبة الكتابه
وبالنسبه للشِعر : الموضوع هنا كان صعب شويه وبصراحه مش عارفه احدد انا ازاي اكتشفتها بالرغم من اني مكنتش بحبه يمكن علشان اغلب الوقت كنت بسمع الحزين وبس منه فتكونت عندي فكرة أنه كئابه وكأن مفيش فرح فيه ولكن هو اكيد بيحتاج للخيال الواسع جدا فأخدته ك جزء من الكتابه
بالنسبه للتمثيل : بدأت بـ شرحي للاسكريبتات اللي بألفها وامثلها بالطريقه بالظبط اللي في بالي لأهلي ومن هنا انتبهت ل موهبة التمثيل.
بأحلام بدأت بأحلام كتيرة وبتزيد فـ اكيد مش هفضل اتخيل وانا واقفه مكاني بدأت احقق حاجه حاجه لحد م طلعت علي أول درجة من السلم الاول وبدأت افهم أنه لازم اكمل ، ايًا كان السن طبيعي أنه يقابل مصاعب بس الاهم أنه قاعدته في حياته تحل مشاكلك لانه الهروب هيعقدها وهيكبرها.
انك تتعلم من كل اللي حواليك في أي مجال مش غلط وده اللي عملته اسمعلهم كتير واركز في طريقة كتاباتهم والاحساس اللي ممكن يوصل للشخص اللي بيسمع أو بيقرأ ، باقي المواهب سهل انك تنميها بكثرة رسوماتك ومشاهدتك ل فيديوهات ع الانترنت من البدايه ده بالنسبه للرسم ، بالنسبه للغنيٰ بكثرة تكرارك للاغاني مره ف التانيه قدام الموهبه موجوده اكيد هتطور وكذلك الاناشيد الاسلاميه ، بالنسبه للتمثيل جرب تتخيل انك لوحدك وأنه محدش هيشوف الفيديو ده اصلا وخد راحتك بس طبعا بحدود وركز علي عينيك وانت بتتكلم هتعيش الموقف.
– هل في يوم حد قال لك إن أنتي مش موهوبه أو وجهلك كلام جعلك تحسي إنك مش هتكملي ولو ده حصل معاكي انتي اتعاملتي إزاي مع الموقف ده ؟
حصل اكيد في موهبة الشِعر ، ولكن انا عنيده جدا خصوصا لو تخيلت نفسي في مكان قدام افضل وخير إن شاء اللّٰه مبتنازلش بسهوله فضِلت اكتب وعلشان كده دخولي المجال ده كان عن عِند لحد م حسيت أنه فعلا عند وبس وقفت حبه وكان علي وشك أنه خلاص اركز علي اي موهبه تانيه لحد م لاقيت كل اللي حواليا حبين قصايدي وعايزني اكمل ، وقتها قولت اكيد مش شخص او اتنين قصاد العدد اللي هيخليكي توقفي خصوصاً أنه عِندي للشِعر اتحول حب كبير ليها.
مبحبش اقولها او يمكن مبحبش اشوفها اصلا طول الوقت عارفه أنه فيه انجازات لكن لو فضلت اقررها احتمال اقف علي كده وانا مبحبش الوقوف لكن حقيقي حب الناس ده أهم حاجه في الحياه أيًا كان من أنت.
